Mācīsimies latgaliešu valodu
Es jums tagad nolasīšu viena laba dzejnieka - Neikšānīša dzejoli - Veižu posts, kurš man ļoti patīk un jūs izrakstīsiet vārdiņus kurus nezinat, es tad vēlāk patulkošu. Citādi jums nezinot latgaliešu valodu dzīvē būs grūti, latgaliešu valoda tomēr ir kultūras valoda, tāpēc iesaku mācīties, kamēr nav par vēlu.

Reiz puiss vīns brauc uz vazuma ar molku
Golvu napalīc pret võrtu bolku -
Sasyt pīri. Uzlāc puns.
- Dīveņ, muns!
Kai to tev tys gadejõs? -
dzērd jys svešas bõbas bolss.
Bõba cyta pogosta
Uz sātu īt nu oplõta
Un tik pret võrtim veižoj jei -
Godõs nūtikt nalaimei.
Puišam jaunam
Nasagribīs lelam kaunam
Nūtykušõ daudzynõt.
Sõc jys bõbu pīrunõt:
- Še tev, cioceit, rublis, tik vīn klusi.
Mīreiga tik ej uz sovu pusi,
Nastõsti nivīnam, kaida līta nūtykuse! -
Jam bõba rubli. Tõļõk īs.
Sūlõs runā vaļdeitīs.
Nūgõjuse ceļa golu,
Redz jau tyvojamīs sātas molu.
Sateik ūtru takaļu -
Sābru Madaļu.
Tai kai bõbai zynõtkõre osa,
Tyuleit prosa:
- Kur tu beji?
Mož kū jaunu saklauseji? -
- Ai mõseņ, poša redzēju,
Kai bej ar molkas vedēju...
Ot, tik tys rublis nadūd vali... -
Veižoj bõba atpakaļ.
Puišam rubli dūd un soka:
- Dēleņ, maņ tei mēle vysā švoka.
Jem sovu rubli atpakaļ,
Bo maņ grākā īkrist baiļ. -
Skrīn ņyu stõsteit Madaļai,
Radzāts pošai beja kai:
- Vede molku...
Naredz bolku....
Bolka kryta...
Sasasyta... -
Vai Madaļa var vaļdeitīs?
Jau jei tõļõk stõsteit skrīs:
- Bāda, bāda nūtykuse....
Svešā pusē
Bolkas kryta...
Daudzi ļaužu nūsasyta...-
Jaunõ ziņa nõk ar auri,
Veižu posts klīdz lelū tauri:
- Kaimiņu pat parapeju
Dīva strõpe pīmeklēja:
Sasagõze meži leli -
Nabašnīku pilni celi... -
Puiss, kam pīrē moza puna,
Tys i nazyn, ka nu jõ tei lelõ runa.

Jo tev kas par lelom lītom stõstu sõk,
Papētej, vai ziņa na nu veižu posta nõk