fadu -

Time:

09:09 am

Naudeņa – kai pa reni!
Izlaseju Ontona Slišāna atziņu, ka „sasamīrteidams tik ar sēņu ražu, iļgi sovā mežā par saimnīku nabyusi” i saprotu, ka tagod itumā Eiropā ir tōpat: Audzējūt divi godi vīnu bekonu, turūt gūvi i strodōjūt dorzā, vādaram pītiks, a vaļidolam nā. Dieļ tuo, padūmovu i sataiseju cenrōdi biznesam Europasaulē, jeb: "Breineigū īspēju apceļōt Latgolu":

1. Pastaiga pa rosu agrā reitā:1)pa soltu ¬– 4 Ls; 2)pa syltu – 6,3 Ls
2. „Svareigu lītu” kōrtōšana zam kryuma (vosorā):1)zam beseņu kryuma – 2 Ls; 2)zam jasmiņu kryuma – 3 Ls; 3)nōtru pudurī – 0,50 Ls
3. Koju siļdeišona gūvs grauļā:1)vīna grauļa – 3 Ls
4. Kozas slaukšona: 1)vīns slucīņs – 3,8 Ls
5. Gūvs slaukšona: 1)vīns slaucīņs – 1,1 Ls; 2)ja divi čiči beigti – 0,55 Ls;
6. Gūvs astes sytīņs pa geimi:1)slaucūt – 1; 2)naslaucūt – 0,4 Ls; 3)pa kreisū byudu – 2 Ls; 4)pa lobū byudu – 3 Ls
7. Sasasaukšonōs ar sābrīm:1)ar atbiļdi – 1,5 Ls; 2)bez atbiļdes – 0,2 Ls
8. Vuts, blusas, blakts gultā: 1)par kotru sugu – 0,8 Ls;
9. Cērciņs aizkrōsnē: 1)ar dzīdošonu – 2,8 Ls; 2)bez dzīdošonas – bez moksas
10. Čeikstūšas durovas: 1)vīns čeikstīņs – 0,30 Ls
11. Vylku gaudōšona naktī: 1)vylki nav razdami – 0,2 Ls; 2)vylki radzami – 5 Ls (par vīnu vylku)
12. Pyutīņs veitula svilpē:1)vīns pvutīņs – 1 Ls
13. Izbraucīņs ar (cauru) laivu: 1)– 12 Ls (100% prīkšapmoksa)
14. Molu medeibas ar bēgšanu no mežsorga: 1)par kotru reālu km – 7 Ls
15. Laupeitōji:1)latviski – 3 Ls; 2)krīviski – 0,05 Ls; 3)angliski, vōciski – 11 Ls(daļēja prīkšapmoksa);
16. „Dzimtineites” dzeišona:1)ar sekojūšu lītōšonu – 3 Ls(par litru)bez lītōšonas – bez moksas
17. Apsamaļdeišona mežā:1)bezcereiga – 0,04 Ls; 2)cereiga (ar izvesšonu) – 14 Ls
18. Caurs jumts:1)ka piļ – 1,7 Ls; 2)ka tak – 1,1 Ls (skaidrā laikā + 50%)
19. Īlyusšona ladā(pakalpōjums tikai zīmā):1)īprīkš zinōmā vītā – 4 Ls; 2)īprīkš nazynōmā vītā –leigumcena
20. Stuņdinīks ar dzeivu dzaguzi:1)ar kyukōšonu – 2 Ls; 2)bez kvukōšanas – 2 Ls; 3)bez dzaguzes – 2 Ls;
21. Uzkōpšona čyuskai:1)par ūdzi pōrkrōsōts zaļkts – 10 Ls; 2)par zaļkti pōrkrōsōtaūdze – 5 Ls (prīkšapmoksa)

Uz prīkšu! Mōrkus ar vardem i kurkulim, ar kū geimus mozgōt, dzērvu zōbokus, ar kū pa rugaini pabrodōt, mōlu meiceišonu bosōknī voi kōju mozgōšonu dubļu paļtī... (A kaidi papīži palīk boļti pēc taidas proceduras!)
Tōs cenas ver byut staipeigas... Tēreņa nikaida, a naudeņa – kai pa reni...
Oskars Pundurs (Pēc A. Graudiņas grāmatas „Plōceņu Mase roksta”)

comments: Leave a comment

October 17th, 2008

Comments: