marijuana - Komentāri

Tōļi mani tāvs atdeve, tōļi, tōļi mani
To sacēja atdūdams - gostūs atbrauksīmi.

Gaidēju gadēņu, gaidēju ūtru,
Naradz muna tāv' ar mōti gostūs atbraucūti.

Trešejā gadēņā laidūs par zagūzi.

Aizkiukovu tāvu sātā ar žēleigu bolsu,
Moža mani tāvs izdzierdēs ōlu vōreidamsi.

Tāvs ōlu izvoreja mani nadzierdēja.

Aizkiukovu mōti sātā ar žēleigu bolsu,
Moža mani mōte dzierdēs brūkosts vōreidama.

Mōte brūkasts izvōreja mani nadzierdēja.

Aizkiukovu brōli sātā ar žēleigu bolsu,
Moža mani brōļs izdzierdēs zirgu saglodams.

Brōļs zirgu apsadlova,mani nadzierdēja.

Aizkiukovu mōsu sātā ar žēleigu bolsu,
Moža mani mōsa dzierdēs golvu sukōdama.

Mōsa gōlvu izsukova mani nadzierdēja.

Skrieju pa mēžu - mežs sazaļova,
Skrieju pa jiuru, jiura razaļova.

Sausajam kūceņam Dīvs nadeve lōpu,
To manim bōreņam Dīvs nadeve laimis.